Səkilərin "işğalı": insanlar necə hərəkət etsin? - FOTO

Sosial şəbəkələrdə Bakının bəzi yerlərində səkilərin qaz boruları, kol və ya avtomobillər tərəfindən tutulmasını əks etdirən fotolar paylaşılıb. Avtosfer.az xəbər verir ki, fotoları paylaşan şəxs əsas diqqəti insanların rahat hərəkətinə maneə yaradan məsələlərə çəkib. Qeyd edək ki, dəfələrlə yol infrasturuktu qurulan zaman səkilərin diqqətdən kənarda qalmasının şahidi olmuşuq. Bu qəbildən olan yollarda piyadalar məcbur olub yolun hərəkət hissəsi ilə gedirlər. Bu isə təhlükəlidir. Hələ biz səkilərdə əlil və uşaq arabaları ilə hərəkəti qeyd etmirik. Təəssüf ki, şəhərin mərkəzi hissələrindən başqa digər yerlərdə bu şərait yoxdur. Sanki əlillər ancaq mərkəzdə yaşayır. Ümumiyyətlə şəhərsalmada burada insanların yaşadığını nəzərə alaraq addımlar atılmalıdır. Amma bizdə sanki yollar ancaq avtomobillər üçün, yol qıraqları isə obyektlər üçün nəzərdə tutulur. Fotoları təqdim edirik: