Türkiyənin Giresun vilayətində avtobusun dərəyə aşması nəticəsində 5 nəfər ölüb, 6 nəfər isə xəsarət alıb. Avtosfer.az yerli mətbuata istinadən xəbər verir ki, insident iyulun 14-ü günorta saatlarında Əspiyə rayonunun Əricək kəndində qeydə alınıb.

Məlumata görə, Qaraovacıq yaylasında keçirilən yayla şənliyindən qayıdan insanları daşıyan Mustafa A.-nın idarəetməsində olan sərnişin avtobusu idarəetmədən çıxaraq dərəyə yuvarlanıb.

Hadisə zamanı ilk köməyi ətrafda olan vətəndaşlar edib. Yaralıların bəzilərini digər sürücülər tərəfindən xəstəxanaya çatdırılıblar.

Polis araşdırmalara başlayıb.

Namiq