Şərti azadlığa çıxdı; avtomobilə atəş açıb bir nəfəri yaraladı - FOTO

Türkiyənin Ordu əyalətində həbsxanadan şərti azadlığa buraxılan şəxs cinayət törədib. Avtosfer.az xəbər verir ki, hadisə iyulun 18-də səhər saatlarında Altınordu rayonunda qeydə alınıb.

Məlumata görə, avtomobildə söhbət edən Ərgin Ö. ilə Caner K. arasında bilinməyən səbəblərdən mübahisə yaşanıb. Maşından enən Ərgin Ö., üzərində gəzdirdiyi tapançanı çıxararaq avtomobilə tuşlayıb və atəş açmağa başlayıb. Ayağından yaralanan Caner K., silah səsini eşidən ətrafdakı insanların çağırışı ilə hadisə yerinə gələn təcili tibbi yardım briqadasının köməkliyi ilə xəstəxanaya çatdırılıb. Əməliyyata götürülən yaralının səhhətinin yaxşı olduğu bildirilib.  

Hadisədən sonra qaçan Ərgin Ö., isə polis əməkdaşları tərəfindən qısa müddət ərzində saxlanılıb.

Şərti olaraq cəza evindən çıxan Ərgin Ö., növbətçi hakimin qərarı ilə tutularaq yenidən həbsxanaya təhvil verilib.

Namiq Musayev