İdarəetmədən çıxan “Mitsubishi” ağaca çırpıldı; 4 ölü, 1 ağır yaralı - FOTO

Rusiyanın Leninqrad əyalətində minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə “Paşa – Çasovensk - Kayvaksa” avtomagistralının 95-ci kilometrliyində, Tixvinsk rayonu ərazisindən keçən hissəsində qeydə alınıb.

Məlumata görə, hərəkətdə olan “Mitsubishi Lancer” markalı minik avtomobili, sürücünün sükan idarəetməsini itirməsi səbəbindən yoldan çıxaraq ağaca çırpılıb.

Qəza nəticəsində 4 nəfər dünyasını dəyişib, 1-i isə ağır xəsarətlər alıb.

Yaralı, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıb.

Hüquq-mühafizə orqanları tərəfindən hadisənin baş vermə səbəbləri araşdırılır.

Namiq Musayev