Sürətlə döngəyə girən avtomobil körpüdən aşdı: 2 nəfər xəsarət aldı – FOTO

Türkiyənin Diyarbəkir vilayətində minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, insident Şanlıurfa avtomagistralında qeydə alınıb.

Məlumata görə, 47 PC 042 dövlət qeydiyyat nömrə nişanlı minik avtomobili hərəkətdə olan zaman döngədə sürücünün idarəetməsindən çıxıb və dəmir baryerlərə çırpılıb. Zərbənin təsirindən avtomobil dəmir arakəsmələri qıraraq körpüdən aşağı aşıb. Qəzadan sonra nəqliyyat vasitəsində yanğın baş verib. Ancaq, yanğın yanğınsöndürmə bölmələri tərəfindən söndürülüb.

Nəticədə maşında olan sürücü və sərnişin xəsarətlər alıb. Yaralılar, hadisə yerinə çağırılan ambulanslarla xəstəxanaya çatdırılıblar.

Faktla bağlı araşdırmalara başlanılıb.

Namiq Musayev