“VAZ” “Audi” ilə toqquşdu: 3 ölü, 2 yaralı - FOTO

Rusiyanın Krasnodar vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə aprelin 11-i gündüz saatlarında Qafqaz rayonunda qeydə alınıb.

Məlumata görə, “VAZ-2110” və “Audi” markalı minik avtomobilləri yol kəsişməsində toqquşub. Zərbənin təsirindən hər iki maşın deformasiyaya uğrayıb.

Qəza nəticəsində 3 nəfər ölüb, 2 nəfər isə xəsarət alıb.

Hüquq-mühafizə orqanları tərəfindən araşdırma aparılır.

Namiq Musayev