“Winter Park Plaza”nın önündəki velosiped zolağını PARKİNQƏ ÇEVİRƏN sürücülər - FOTO

Bakının bir sıra küçələrində velosiped və skuter sürücülərinin rahat və təhlükəsiz hərəkətini təmin etmək üçün zolaqlar çəkilib. Lakin bəzi avtomobil sürücüləri bu zolaqlarla hərəkət edir, yaxud parkinqə çevirirlər. Nəticədə velosiped və skuter sürücülərinin hərəkəti məhdudlaşır və onlar məcbur qalaraq avtomobil yoluna keçməli olurlar. Bu isə qəza riskini yüksəldir.
Avtosfer.az xəbər verir ki, paytaxtın Mirzəağa Əliyev küçəsində qeyd etdiyimiz qaydanı kütləvi şəkildə pozan sürücülər görüntülənib. Belə ki, 10-CS-660 dövlət nömrə nişanlı “Volkswagen Jetta” markalı, 074 D 006 dövlət nömrə nişanlı “Toyota Land Cruiser” markalı, 50-DO-424 dövlət nömrə nişanlı “Hyundai Santa Fe” markalı və 77-CU-244 dövlət nömrə nişanlı “Mercedes Vito” markalı avtomobillərin sürücüləri dayanma-durma qaydalarını pozublar. Onlar velosiped və skuterlər üçün ayrılmış zolağı dəqiqələrlə, hətta saatlarla zəbt ediblər.
Qeyd edək ki, bu xəta İnzibati Xətalar Məcəlləsinin 327.1-ci bəndinə əsasən, eyniylə avtobus zolağında olduğu kimi, 40 manat cəriməylə nəticələnir. 

Nərmin