Xarici nömrə nişanlı “BMW” ağaca çırpıldı; sürücü öldü - FOTOLAR

Ukraynanın Xerson şəhərində minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyunun 28-də gecə saatlarında “Çernomorsk” küçəsi ilə “Berislavsk” şosesinin kəsişməsində qeydə alınıb.

Məlumata görə, adı açıqlanmayan sürücü yüksək sürətlə idarə etdiyi “BMW” markalı avtomobilin sükan idarəetməsini itirib. İdarəetmədən çıxan nəqliyyat vasitəsi öncə səkiyə daha sonra isə ağaca çırpılıb. Zərbənin təsirindən maşına ciddi ziyan dəyib. Qəza nəticəsində sürücü vəfat edib.

Bildirilir ki, “BMW” xarici qeydiyyat nömrə nişanlı olub.

Faktla bağlı araşdırmalara başlanılıb.

Namiq Musayev