Xəstəxanaya təcili xəstə aparan ambulans “Tofaş”la toqquşdu; 6 nəfər xəsarət aldı - FOTO lar

Türkiyənin Aydın şəhərində minik avtomobilinin və xəstə daşıyan ambulansın iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, hadisə iyunun 27-də Efeler rayonunda qeydə alınıb.

Məlumata görə, xəstəxanaya təcili xəstə aparan M.Ç.-nin idarə etdiyi 09 R 0112 qeydiyyat nömrə nişanlı ambulans, qovşaqda, F.K.-nin idarə etdiyi 09 EM 177 qeydiyyat nömrə nişanlı “Tofaş” markalı minik avtomobili ilə toqquşub.

Zərbənin təsirindən ambulans aşıb.

Qəza nəticəsində 6 nəfər müxtəlif dərəcəli bədən xəsarətləri alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırma aparılır.

Namiq Musayev