Xırdalanda maşın xəndəyə düşərək batdı - FOTO

Yolda qazılmış yerə düşən yük avtomobili bataraq orada qalıb. Avtosfer.az xəbər verir ki, Xırdalan şəhərində kommunikasiya xətləri dəyişdirilidikdən sonra yol örtüyünün qazılmış hissələri yaxşı bərkidilmədiyi üçün yağışlı havalarda avtomobillər ora düşərək batıb qalır və avtomobilə maddi ziyan dəyir. Bu gün səhər saatlarında Xırdalan şəhəri Heydər Əliyev prospektində hərəkət edən 99-JA-760 qeydiyyat nişanlı "Ford" markalı avtomobil həmin qazılmış yerə düşərək orada batıb qalıb. Oxşar hadisə prospektin digər hissəsində də baş verib. Bu cür halların baş verməməsi üçün qazılmış yol örtüyü standarta uyğun olaraq doldurulmalı və bərkidilməlidir. 

Sürücülərə tövsiyə edirik ki, bu cür hallarla rastlaşdıqda dərhal Daxili İşlər Nazirliyinin "102" zəng mərkəzinə şikayət edərək yol nəqliyyat hadisəsini qeydə aldırsınlar və yola nəzarət edən qurumdan dəymiş maddi ziyanı tələb etsinlər.

Təbriz