Yarıtmaz qurumlar və ziyan çəkən insanlar… - FOTO
Avtosfer Foto 15 Noyabr 2021 21:55 Oxunub 4934
Yarıtmaz qurumlar və ziyan çəkən insanlar… - FOTO

Bakıda aşma təhlükəsi olan ağacları vaxtında müayinə edib ya budamaq lazımdır, ya da kəsmək. Amma bizim icra orqanları, xüsusən də rayon icra hakimiyyətləri, JEK-lər, Yaşıllaşdırma İdarəsi və Ekologiya və Təbii Sərvətlər Nazirliyi işi düzgün qurmur. Nəticədə küləkli havada ağaclar aşıb maşınları əzir və insanlara ziyan vurur. Yalnız bundan sonra bizim qurumlar işə başlayır. 
Elə buna görə də zərərçəkən vətəndaşlar məhkəməyə müraciət edib həmin qurumlardan dəymiş zərəri tələb etsələr onlar da özlərini yığışdırıb işi vaxtında görərlər. 
Hər il DYP və BNA yüzlərlə nöqtədə yol nişanlarının və svetoforların ağacların budaqları arxasında gizləndiyini əsas gətirərərk Yaşıllaşdırma İdarəsi və Ekologiya və Təbii Sərvətlər Nazirliyinə müraciət edir. Amma nazirlik yaşıllaşdırmaya yönləndirir, yaşılaşdırma da nazirliyə. Axırda da payız gəlir, yarpaqlar tökülür, nişanlar üzə çıxır. Yüzlərlə insan da bu ağaclara görə nişanları görmədiyi üçün ya qəzaya düşür, ya da cərimə olunur. Ancaq heç kim nazirliyin qorxusundan ağaca əl vurmur ki, tutub 2 min manat cərimə yazacaqlar. 
Maraqlıdır, budamaq lazım olanda yoxa çıxırlar, cərimələməyə tez gəlirlər. 
Belə olmaz cənablar. İşinizi doğru-düzgün görün. Görə bilmirsinizsə imkan verin biz sizə kömək edək, yol göstərək. Yetər ki, insanlara zərər dəyməsin.
 

Elməddin Muradlı

FOTO QALEREYA
ŞƏRH YAZ
Ad

E-mail

Şərh