Yasamalda təlim maşını avtobus dayanacağını zəbt etdi - FOTO

Yasamal rayonu Əbdülvahab Salamzadə küçəsində kobud qayda pozan sürücü kameraya düşüb. 
Avtosfer.az-ın məlumatına görə, görüntü fevralın 28-i günorta saatlarında qeydə alınıb. Fotoşəkildən aydın olduğu kimi, “Nur” təlim kursuna məxsus 90-MX-170 dövlət nömrə nişanlı “KIA” markalı avtomobilin sürücüsü dayanma-durma qaydasını pozub. Belə ki, o, avtomobilini avtobus dayanacağında park edib. Nəticədə sərnişin avtobuslarının hərəkətinə əngəl törədib. 
Qeyd edək ki, sürücülər avtomobillərini avtobus dayanacağından 10-15 metr uzaq məsafədə və qadağandır nişanının olmadığı ərazidə park edə bilərlər. 
Xatırladaq ki, sürücünün törətdiyi bu xəta İnzibati Xətalar Məcəlləsinin 346.2-ci maddəsinə əsasən 40 manat məbləğində cəriməylə nəticələnir.

Nərmin