Yol dairəsində uşaqların həyatı üçün təhlükə - FOTO

Avtosfer Foto 19 Mart 2024 15:32 Oxunub 440
Yol dairəsində uşaqların həyatı üçün təhlükə  - FOTO
WhatsApp kanalımıza abunə ola bilərsiniz

Əslində bu vəziyyət bir ilə yaxındır davam edir. Hər dəfə məsələni ictimailəşdirmək istədikdə səbrimi basmışam ki, yəqin düzələr. Amma bir neçə gün əvvəl çəkdiyim fotoları 2023-cü ilin yayında çəkdiklərimlə müqayisə etdikdə gördüm ki, vəziyyət pisə doğru gedir. 


Fotodakı işıq dirəyi Mikayıl Müşfiq küçəsinin Mətbuat prospekti ilə kəsişdiyi ərazidəki yol dairəsinin yanında quraqşdırılıb. Dirəyi qidalandıran kabellər açıq havada qaldığı üçün izolyasiya tədricən pozulur. Suyun və Günəşin təsirindən dağılma prosesi gedir. Köhnə tarixdə çəkilmiş fotolarla müqayisə apardıqda görünür ki kimsə kabelləri tərpədib. 


İşin qorxulu tərəfi bu ərazidə çox sayda uşağın olmasıdır. Bu günlərdə uşaqların yığışaraq bu kabelə tamaşa etdiyinə də şahid olmuşam. Rütubətli havada hansısa uşaq bu kabellərə toxunsa nəticənin necə olacağını deməyə ehtiyac yoxdur. İnanıram ki, bayram günlərində gücləndirilmiş rejimdə işləyən qurumlar bu səhlənkarlığı aradan qaldıracaq.

Vüqar

FOTO QALEREYA
ŞƏRH YAZ
Ad

E-mail

Şərh