Yol qəzası iki ailə arasında silahlı atışmaya səbəb oldu; 2 ölü, 7 yaralı - FOTO

Türkiyənin Diyarbəkir vilayətində yol qəzası səbəbindən iki ailə arasında silahlı atışma baş verib. Avtosfer.az yerli KİV-ə istindən xəbər verir ki, insident Yenişəhər rayonunda qeydə alınıb.

Məlumata görə, motosiklet qəzası səbəbindən iki ailə arasında yaranan sözlü mübahisə silahlı atışmaya çevrilib. “Benu Sən” məhəlləsində ailə fərdləri silahlarını alaraq evlərinin damına çıxaraq uzun müddət atışıblar. İlk atışmada 1 nəfər ölüb, 5 nəfər isə ağır yaralanıb. Yaralılar xəstəxanaya çatdırılıblar. Onlardan İzzət Əsmər həkimlərin bütün səylərinə baxmayaraq dünyasını dəyişib.

İkinci hadisə Yenişəhr rayonu “Şəhidlik” məhəlləsində davam edib. Burada evə edilən silahlı basqın nəticəsində biri uşaq, 3 nəfər xəsarət alıb.

Ətrafdakıların xəbər verməsi ilə hadisə yerinə polis və təcili tibbi yardım briqadasının əməkdaşları gəlib. Yaralılar ilkin tibbi yardımdan sonra xəstəxanaya aparılıblar.

Baş verən hadisələrin nəticəsində 2 nəfər ölüb, 4-ü ağır, 1-i uşaq olmaqla ümumilikdə 7 nəfər xəsarət alıb.

Faktla bağlı cinayət işi açılıb, araşdırmalar davam etdirilir.

Namiq Musayev