Bakıda bu yerdə bir ayda üç zəncirvari qəza baş verib - REAL VİDEO

Bakı şəhəri, Sabunçu körpüsü adlanan ərazidə baş verən yol qəzaları diqqət çəkir. Avtosfer.az xəbər verir ki, eyni yerdə, müxtəlif vaxtlarda, eyni tipli qəzalar baş verir. Belə ki, ara məsafəsinin düzgün seçilməməsi zəncirvari qəzalara səbəb olur. Nəticədə avtomobillər zərər çəkir. Qarşıda gedən avtomobilin sürücüsünün sürəti qəfil azaltması toqquşmalarla nəticələnir.

Yol hərəkəti təhlükəsizliyi üzrə ekspert Elməddin Muradlı hesab edir ki, bu cür qəzalara əsas səbəb yüksəksürətli yollarda ara məsafəsinin düzgün seçilməməsidir. “Bəzən sürücülər hesab edir ki, boş yoldur hansı sürətlə istəsəm sürə bilərəm. Amma nəzərə almaq lazımdır ki, qəfil maneə ola bilər. Bu zaman qarşıdakı avtomobil sürəti azaldacaq. Əgər ara məsafəsi düzgün seçilməyibsə qəza da qaçılmaz olacaq. Sürücülərə tövsiyə edərdik ki, bu qaydalara mütləq əməl etsinlər.”

Videonu təqdim edirik:

Orxan