Beş nəfər öldü, iki nəfər ağır yaralandı – QƏZA VİDEOsu

Beş nəfərin ölümü və iki nəfərindən ağır yaralanması ilə nəticələnən ağır yol qəzasının görüntüləri təhlükəsizlik kamerası tərəfindən qeydə alınıb. Avtosfer.az xəbər verir ki, hadisə iyunun 2-si gecə saatlarında Türkiyənin Qaziantep şəhərində baş verib.

Belə ki, Yunus Əmrə Kuvraqın idarə etdiyi 27-AYH-25 dövlət nömrə nişanlı avtomobil idarəetmədən çıxaraq qarşı zolağa çıxıb və qarşıdan gələn Əhməd Kestanlıoğlunun idarə etdiyi 27-BBB-183 dövlət nömrə nişanlı yüngül ticarət maşını ilə toqquşub.

Zərbənin təsirindən hər iki nəqliyyat vasitəsinin ön hissəsi deformasiyaya uğrayıb.

Qəza nəticəsində minik avtomobilinin sürücüsü Yunus Emre Kuvrağ, İsmayıl Volkan Deler və digər maşında olan Gülüstan Kestanlıoğlu ilə uşaqları Eylülte (6), Atlas Meyda (6) ölüblər.

Ticarət maşınının sürücüsü Əhməd Kestanlıoğlu və anası Naile Kestanlıoğlu ağır vəziyyətdə xəstəxanaya aparılıblar.

Faktla bağlı araşdrıma aparılır.

Namiq Musayev