İcarə maşına sayrışan işıq quraşdıran sürücünü 800 manat cərimə gözləyir - VİDEO

Bakıda icarəyə götürdüyü avtomobilə əlavə avadanlıq quraşdıran sürücü saxlanılıb. Avtosfer.az-ın məlumatına görə, Bakı şəhər Dövlət Yol Polisi İdarəsinin əməkdaşları ''99-DS-506'' dövlət nömrə nişanlı "Hyundai" markalı avtomobilin sürücüsünü sayrışan işıqlara görə saxlayıblar.

Saxlanılan İsmayıl Bayramov idarə etdiyi nəqliyyat vasitəsini icarəyə götürdüyünü və sayrışan işqların isə özünə məxsus olduğunu deyib.

Aşkarlanan həmin avtomobil yol polisi əməkdaşları tərəfindən duracağa yerləşdirilib və əlavə avadanlıqlar sökülüb. Sürücü isə inzibati qaydada məsuliyyətə cəlb olunub.

Bakı şəhər Dövlət Yol Polis İdarəsinin bölmə rəisi Vaqif Əsədov deyib ki, qanunla qadağan olunmasına baxmayaraq bu cür qayda pozuntularının sayı artıb.

Qeyd edək ki, sayrışan işıqdan istifadə edən sürücü barəsində avtomobilə əlavə avadanlıq quraşdırımasına görə İnizbati Xətalar Məcəlləsinin müvafiq maddəsi ilə 500 manatdan 800 manata qədər cərimə edilir.