"Qazel" əks yola çıxdı, "VAZ" qəzadan son anda xilas oldu - VİDEO

Xırdalan şəhəri Heydər Əliyev prospektindəkobud qayda pozan sürücünün təhlükəli hərəkətləri kameraya düşüb. Bu barədə Avtosfer.az-a oxuculardan biri məlumat verib.

Belə ki, 20 avqust tarixində, saat 22:05 radələrində Xırdalan Şəhər Heydər Əliyev pr-də 01 BU 519 dövlət nömrə nişanlı, "Qazel" markalı avtomobilin sürücüsü hərəkətin intensiv və sıx olduğu bir anda nəqliyyat vasitəsini tam olaraq əks istiqamətli nəqliyyat axınının hərəkət zolağına keçirərək nəqliyyat axınına əks istiqamətdə hərəkət edib. Bu zaman qarşıdan gələn VAZ markalı avtomobilin sürücüsünün həyat və sağlamlığını təhlükə altına salıb.

Qeyd edək ki, videonun müəllifi artıq  yük avtomobilin sürücüsünün tapılıb, inzibati məəsuliyyətə cəlb olunması üçün Baş Dövlət Yol Polisinə şikayət məktubu göndərib

  Rüstəm Cəfərov