Toy karvanının qarşısını kəsib şirinlik almağın yeni üsulu - VİDEO

Pul almaq üçün qeyri-adi üsula əl atıb toy karvanının qarşısını kəsdi. Avtosfer.az xəbər verir ki, maraqlı kadrlar Türkiyənin Ərdahan vilayətində qeydə alınıb.

Kapitan paşa məhəlləsindəki dükanında mətbəx əşyaları satan Fərdi Altun, küçədən keçən toy kortejini görüb bəydən pul almaq qərarına gəlib. O, kortejin yolunu paltaryuyan maşını ilə kəsib.

Daha sonra gəlin avtomobilinə yaxınlaşan Altun, cütlüyü təbrik edərək bəydən şirinlik istəyib. Pul alan mağaza sahibi paltaryuyan maşınını yoldan çəkərək karvanın getməsinə icazə verib.

Avtosfer.az “Anadolu Agentliyi”nə istinadən həmin maraqlı anları sizlərə təqdim edir.

Namiq Musayev