Brüsseldə “Audi” zavodu bağlanır, işçilər etiraz edir

Belçikanın paytaxtında minlərlə nümayişçi sentyabrın 16-da “Audi” avtomobil zavodunun bağlanması təhlükəsi ilə bağlı etiraz aksiyası keçirib.
Avtosfer.az xarici mediaya istinadla xəbər verir ki, Almaniyanın avtomobil istehsalçısı “Volkswagen” özünün törəmə şirkəti “Audi”nin Belçikadakı istehsalını dayandıra biləcəyini açıqlayıb. “The Brussels Times”ın press-relizinə görə, “Audi” Brüsseldə uzunmüddətli istehsalın artıq planlaşdırılmadığını təsdiqləyib.
Həmkarlar ittifaqlarının məlumatına görə, 10 mindən çox, polisin məlumatına görə, təxminən 5,5 min insan küçələrə çıxıb. Zavodun işçilərindən birinin plakatında "Bizim həyat - konveyer deyil" yazılıb.
"Biz işsiz, pulsuz və perspektivsiz qalacağıq", - “Audi” şirkətinin əməkdaşı AFP agentliyi ilə söhbətində deyib.
Belçika həmkarlar ittifaqları zavodun bağlanmasının Brüsseldə 3000-ə yaxın iş yerinin itirilməsinə səbəb olacağından qorxurlar. Həmkarlar ittifaqlarının nümayəndələri təkcə konsernin rəhbərliyini deyil, həm də Avropa İttifaqının hakimiyyət orqanlarını tənqid ediblər.
Əvvəllər “Volkswagen” Almaniya da daxil olmaqla zavodların bağlanmasını və işçilərin ixtisarını istisna etmirdi.
Almaniyanın federal kansleri Olaf Şolts “Volkswagen” şirkəti ilə bağlı vəziyyəti şərh edib. O, Özbəkəstanda olarkən Maqsut Narıkbayev Universitetində mühazirə zamanı tələbələrdən biri şirkətdə son vaxtlar iş yerlərinin ixtisarı ilə bağlı sual verib və bunun “Volkswagen”in mövcud olduğu 87 il ərzində ilk dəfə olduğunu qeyd edib.
(musavat.com)
Elektromobillərə güzəşt tələbi: İdxal vergisi satışa necə təsir etdi? - FOTO
Avtomobil təkərini hansı hallarda təmir etmək lazımdır? - Mütəxəssisdən tövsiyələr
“Mercedes” 70-ci illərdəki prototipi hərraca çıxarır – 25 milyon USD - FOTOLAR
"BMW" böyük dəyişikliklərə hazırlaşır: Bəzi məşhur modellər əvvəlki kimi olmayacaq - FOTO
Evində maşını olanların NƏZƏRİNƏ!
"BMW" sahiblərinə qəribə müraciət: Maşını qarajda saxlamayın
Elektromobillərin daha bir mənfi tərəfi üzə çıxdı
Avtomobilin sobası niyə yaxşı qızdırmır? - 5 əsas SƏBƏB
Böyük dövrlü mühərrik elektromobil üçün üstünlükdürmü?
Çin avtomobili kraş-testdə 0 bal aldı - VİDEO
Süni intellektə görə avtomobillər bahalaşa bilər












