Dünyanın ən güclü "mexanika" avtomobili təqdim olundu - FOTO

ABŞ-nin "Hennessey" şirkəti öz hiperkarının yeni versiyasını - mexaniki sürət qutusu ilə təchiz edilmiş "Venom F5-M" rodsterini təqdim edib.

Avtosfer.az championat.com-a istinadən xəbər verir ki, avtomobilin kapotu altında 1 355 kVt (1 842 at gücü) hasil edən 6.6 litrlik "Fury V8" mühərriki yerləşir.

Beləliklə, təqdim olunan rodster mexaniki transmissiyaya malik dünyanın ən güclü seriyalı avtomobilidir.

"Hennessey Venom F5-M" cəmi 12 ədəd buraxılacaq və onların hamısı artıq satılıb. Hər avtomobilin qiyməti 2.65 milyon dollardır.

(oxu.az)