Elektrik və hibrid avtomobillərinin kreditləşməsi 8 dəfə artıb

Verilmiş güzəştlər nəticəsində 2022-ci ildən bu tərəfə son 18 ayda elektrik və hibrid minik avtomobillərinin banklar tərəfindən kreditləşməsi say olaraq 8 dəfə, məbləğ olaraq 6.5 dəfə artıb.

Bu barədə Avtosfer.az-a Azərbaycan Mərkəzi Bankından bildirilib.

Qeyd edilib ki, 2022-ci ilin sonuna bankların kredit portfelində elektrik və hibrid avtomobillərinin cəmi minik avtomobil portfelində payı 17.8% olduğu halda, cari ilin iyunun 30-u tarixində müvafiq göstərici 59.9% təşkil edib.