AQC elan verdi: Bu şəxslər barəsində polisə müraciət ediləcək - FOTO

“Azərbaycan Qiymətləndiricilər Cəmiyyəti” elan yayıb. Elanda bildirilir ki, 01 iyul 2024-cü il tarixində keçirilmiş iclasda Nizamnamənin 6.1 və 6.2-ci bəndlərinə əsasən, 19 iyul 2024-cü il tarixində növbədənkənar konfrans keçirilib. İclas zamanı Birliyin seçkili orqanları yenidən formalaşdırılıb. Hazırda qəbul edilmiş dəyişikliklərin dövlət qeydiyyatına alınması prosesi davam edir.

Bu barədə Birliyin idarə heyətinin sədri Ramil Osmanlı Avtosfer.az-a məlumat verilib. Məlumatda qeyd edilib ki, Ədliyyə Nazirliyinin Qeydiyyat və Notariat Baş İdarəsi tərəfindən təqdim olunmuş Dövlət Reyestrindən çıxarışa əsasən, Birliyin seçkili icra orqanlarının səlahiyyətləri 20 may 2025-ci il tarixinədək qüvvədədir.

Həmin tarixdən sonra İdarə Heyətinin adından çıxış edən şəxslər səlahiyyətsiz sayılacaq və bu, vəzifəli şəxsin səlahiyyətlərinin mənimsənilməsi kimi qiymətləndirilərək hüquq-mühafizə orqanlarına müraciət ediləcək.

Azərbaycan Qiymətləndiricilər Cəmiyyətinin (AQC) sədri olduğunu bildirən Vüqar Oruc isə Avtosfer.az-a bildirib ki, 2022-ci ilin may ayında AQC-nin hesabat-seçki konfransında təşkilatın rəhbəri seçilib. 2024-cü ilin iyun ayında bir qrup AQC adına iddia edərək, saxta möhür düzəldib və buna görə, hüquq-mühafizə orqanlarına müraciət olunub: "Ədliyyə Nazirliyi onun rəhbəri olduğu qurumu AQC olaraq tanıyıb. May ayının 3-də keçirilən konfransda da Ədliyyə Nazirliyinin nümayəndəsi iştirak edib. AQC sədri vurğulayıb ki, AQC adına qanunsuz iddia özü cinayət əməlidir və onlar da bununla bağlı hüquq-mühafizə orqanlarına müraciət edəcək. Bu gün məlum qrupun apardığı şər kampaniyası möhtəşəm konfransımızdan sonra gözlənilən idi. Biz bunlara əhəmiyyət vermirik və fəaliyyətimizi daha da genişləndiririk".

Səfər