Azərbaycan MN: "Ermənistan dezinformasiya yaymaqla təxribat əməllərini gizlətməyə çalışır"
Gündəm 6 Oktyabr 2022 10:05 Oxunub 326
Azərbaycan MN:  "Ermənistan dezinformasiya yaymaqla təxribat əməllərini gizlətməyə çalışır"

Azərbaycan Ordusu bölmələrinin minaatan və iriçaplı silahlardan istifadə etməklə Ermənistan silahlı qüvvələrinin mövqelərini guya atəşə tutması barədə oktyabrın 5-də yayılan məlumat qarşı tərəfin növbəti dezinformasiyasıdır.

Bu barədə Avtosfer.az-a Azərbaycan Müdafiə Nazirliyindən məlumat verilib.

"Belə ki, dünən axşam saatlarında məhz Ermənistan tərəfi Basarkeçər rayonunun İstisu yaşayış məntəqəsi istiqamətindəki döyüş mövqelərindən Azərbaycan Ordusunun üzbəüz mövqelərini atıcı silahlardan atəşə tutub.

Bildiririk ki, Azərbaycan Ordusunun bölmələri yalnız Ermənistan tərəfindən törədilmiş təxribatlara qarşı cavab tədbirləri görür.

Növbəti dəfə vəziyyətin gərginləşdirilməsinə görə məsuliyyət tamamilə Ermənistanın hərbi-siyasi rəhbərliyinin üzərinə düşür", - nazirlikdən qeyd olunub.

ŞƏRH YAZ
Ad

E-mail

Şərh