Azneft dairəsində nəqliyyatın hərəkəti məhdudlaşdırıldı - Sürücülərin diqqətinə

"Formula 1" üzrə Azərbaycan Qran-prisinə hazırlıqla əlaqədar Bakının bəzi küçə və prospektlərində quraşdırma işləri davam edir.

Avtosfer.az xəbər verir ki, bu barədə Bakı Şəhər Halqası Əməliyyat Şirkətindən verilən məlumata görə, avqustun 27-si saat 23:59-dan avqustun 28-i saat 05:45-dək yerüstü piyada keçidinin quraşdırılması ilə bağlı Azneft dairəsindən Dəniz Vağzalı istiqamətində Neftçilər prospekti nəqliyyata məhdudlaşacaq. 

Avtosfer.az bildirir ki, bu gündən etibarən Bayıldan gələn nəqliyyat vasitələri Azneft meydanına bir cərgə ilə daxil olaraq yalnız düzünə - Neftçilər prospekti ilə hərəkət ediblər. Sola - Niyazi küçəsinə qalxmaq qadağandır. Niyazı küçəsindən Azneftə düşən avtomobillərin isə sola - Neftçilər prospekti ilə və sağa - Bayıl istiqamətində hərəkəti təmin edilib.

Qeyd edək ki, Azərbaycan Qran-prisi sentyabrın 13-15-i aralığında təşkil olunacaq.