Bakıda iki yeni metro stansiyanın açılacağı vaxt bilindi - RƏSMİ

“Xocasən” metro stansiyasında infrastrukturun qurulması, təchizat sistemlərinin qurulması istiqamətində son tamamlanma işləri gedir. Stansiya ilin sonuna qədər təhvil veriləcək. Bura həm stansiya, həm də elektrik deponun birinci mərhələsi daxildir".

Bu sözləri  açıqlamasında "Bakı Metropoliteni " QSC-nin Mətbuat xidmətinin rəhbəri Bəxtiyar Məmmədov bildirib.

O əlavə edib ki, bənövşəyi xəttin inkişaf mərhələsinə uyğun olaraq daha sonra elektrik deponun ikinci və üçüncü mərləsi ilə bağlı inşaat işləri aparılacaq.

Qurum rəsmisi şərti adı B4 Bakının Cəlil Məmmədquluzadə küçəsində, Heydər Əliyev adına İdman-Konsert Kompleksinin arxasında inşa olunan metro stansiyasından danışıb: "B4 stansiyasında inşa işləri gedir. Birinci və ikinci səviyyədə geoloji məsələrlə bağlı ciddi problemlər olmayıb. Hazırda üçüncü səviyyədə qurunt işləri gedir və tikinti planlaşdırlmış axarı ilə davam edir. Dördüncü səviyyədə işlər yekunlaşdıqdan sonra təhvillə bağlı açıqlama ediləcək. Gələn ilin sonuna qədər qurunt məsələləri ilə bağlı işlərin yekunlaşacağı gözlənilir.

Bənövşəyi xəttin özü yeraltı 12 stansiyadan ibarət olacaq. B4-dən sonra digər stansiyaların da mərhələli şəkildə inşaası həyata keçiriləcək".