“Baksol yolu”na cəmi 2 sm qalınlıqda asfalt vurulub? – Agentlikdən AÇIQLAMA - VİDEO

Bu gün oxuculardan biri Avtosfer.az-a müraciət edərək Binəqədi rayonu ərazisində aparılan yol təmiri barədə narazılığını bildirib. Vətəndaş video göndərərək bildirib ki, keyfiyyətə nəzarət edən yoxdur. Ona görə də, asfaltı çox nazik, hətta bəzi yerlərdə 2 sm vurublar: “Dünən yolun bir hissəsi açılmalı idi, qaldı 5 noyabra. Və dünən bu çəkilən asfaltın bir hissəsinə artıq boya da vurulub, onun üçün Sizə məlumat verdim,

Əslində bu videonu dünən çəkdim, düşündüm ki, ikinci qatı da vurarlar. Amma düşündüyümüz kimi olmadı”.

“Baksol yolu”ndan daha çox yük avtomobillərinin istifadə etdiyini nəzərə alsaq, yolun tez bir zamanda sıradan çıxacağını düşünmək olar. LakinAzərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli isə bildirib ki, vətəndaşın göndərdiyi videoda əks olunan mənzərə son deyil: “Ora vurulan asfalt hamarlayıcı qatdır. Bu da 5 sm də ola bilər, 2 sm də. Çünki hamarlayıcı qatdır və bunu hər yerə vurmurlar, harada ehtiyac olursa orada istifadə edilir. Onun üzərindən isə hazırda iki qat asfalt vurulur. Onların da qalınlığı 5-7 sm olur. Ümumilikdə 12 sm qalınlıq olur. Bəzi yerlərdə hətta 15 sm qalınlıq olacaq”.

Elmin