"BakuBus" sürücülərin maaşlarını kəsdi: avtobuslar bu səbəbdən azdır

Bir neçə gündür "BakuBus" MMC-yə məxsus avtobusların sayında ciddi azalma müşahidə olunur. Bununla bağlı BNA rəsmiləri açıqlama versə də, səbəb göstərə bilməyib. Avtosfer.az-ın əldə etdiyi məlumata görə, əsas səbəb sürücülərin işdən kütləvi şəkildə çıxmasıdır. Belə ki, şirkət sürücülərin maaşlarını 50 faizə qədər azaldaraq 650, 450, 400 manat edib. Bu daha şox yeni gələn sürücülərə şamil edilir. Stajlı işçilər əvvəlki qaydada 800-900 manat maaş ala bilsə də, yeni gələnlər işdən çıxır. Ona görə də işləmək istəyən yoxdur. Avtobuslar isə xəttə lazım olandan az çıxır. 

Dəfələrlə "BakuBus" MMC ilə əlaqə saxlamağa çalışsaq da zənglərə cavab verən olmadı.