"Bu proqramlardan istifadə etməyin!" - DİN-dən XƏBƏRDARLIQ

Daxili İşlər Nazirliyi (DİN) sosial media istifadəçilərinə müraciət edib.

DİN-in Mətbuat Xidmətindən Avtosfer.az-a daxil olan müraciətdə deyilir:

"Profilimə kim baxdı”, “gizli hesabları görmə” kimi vədlər verən proqramlardan istifadə etməyin, naməlum linklərə daxil olmayın, istifadəçi adı və şifrə tələb olunan bu tip tətbiqlərə məlumatlarınızı əlavə etməyin. Qeyd edək ki, bu tətbiqlərdən istifadə etməyiniz profillərinizin oğurlanması ilə nəticələnə bilər!"