Daha bir marşrut xətti ilə hərəkət edən avtobus "BakıKart"la ödəniş edəcək

Bakı Nəqliyyat Agentliyi daha bir marşrut avtobusunun kart sistemine keçməsi ilə bağlı məlumat verib.

Avtosfer.az Agentliyin məlumatına istinadən xəbər verir ki, İyunun 25-dən etibarən 108B nömrəli marşrut xətti (“Azadlıq prospekti” metrostansiyası – Mehdiabad qəsəbəsi) üzrə hərəkət edən avtobuslarda gediş haqqı “BakıKart” vasitəsilə ödəniləcək.

Qeyd edək ki, sərnişinlərin rahatlığının təmin edilməsi məqsədilə Binəqədi rayonu və Mehdiabad qəsəbəsi üzrə qeyd olunan ünvanlarındakı “OBA” marketlərdə “BakıKart” balansının artırılması üçün POS terminallar quraşdırılıb.  “28 May” küçəsi 269A (Mehdiabad qəs.)  Cəfər Cabbarlı küçəsi 5., (Mehdiabad qəs.)  Azadlıq pr.104 (Binəqədi ray.)  A.Hüseynov küç. (Binəqədi ray.)  Mərkəz Binəqədi (Binəqədi ray.)  2-ci Mədən (Binəqədi ray.)  Novxanı yolu (Binəqədi ray.)