“Yolu tanımaram” deyən sürücü kobud qayda pozub ağır qəza törətdi - 50-EE-287 - VİDEO

Bakıda yol qəzasında 3 nəfərin ölməsi, 7 nəfərin xəsarət alması ilə bağlı yayılan məlumatlar yanlışdır. DİN-in Mətbuat Xidməti hadisənin görüntülərini yayıb və əlavə olaraq Avtosfer.az-a bildirilib ki, oktyabrın 3-də saat 21:30 radələrində Səbail rayonunda 2 nəfərin xəsarət alması ilə nəticələnən yol-nəqliyyat hadisəsi qeydə alınıb. 

"Hyundai" markalı, 77-UM-421 dövlət qeydiyyat nişanlı nəqliyyat vasitəsi ilə "Opel" markalı 50-EE-287 dövlət qeydiyyat nişanlı avtomobil toqquşub.

Faktla bağlı araşdırma aparılır.

Avtosfer.az bildirir ki, həmin ərazidə sürücü ya sağa - Bibiheybət məscidi tərəfə, ya da sola - şəhər istiqamətinə dönməli idi. Lakin kobud qayda pozaraq birbaşa düzünə hərəkət etməklə dayanmadan Bibiheybətdən gələn maşınların yoluna çıxıb. Sürücü hadisə yerində şahidlərə bildirib ki, yolu tanımadığı üçün belə bir səhvə yol verib. Maraqlıdır, yolu tanımayanda nişanlara və nişanlanma xətlərinə də baxmırlar?

Elməddin Muradlı