Dövlət Agentliyi 2 manatlıq şirkətə 3 milyon manatlıq - SİFARİŞ VERDİ

İcbari Tibbi Sığorta üzrə Dövlət Agentliyi publik hüquqi şəxs “Paşa-k” Firması ilə 3 milyon manatlıq müqavilə bağlayıb.

Avtosfer.az Banker.az-a istinadən xəbər verir ki, müqavilədə “Ümumprofilli müalicə müəssisələrinin faəliyyətində istifadə olunan tibbi ləvazimatları”n satın alınması nəzərdə tutulur.

Müqavilənin dəyəri isə 3 353 221 manatdır.

Qeyd edək ki, “Paşa-k” Firması 1996-cı ildə dövlət qeydiyyatına alınıb, nizamnamə kapitalı 2 manatdır və qanuni təmsilçisi Elxan Rzayevdir.