Əhmədlidə “Halal Dürüm” həm səkiyə, həm avtobus zolağına “əl qoyub” - VİDEO

Paytaxtın Xətai rayonu, Əhmədli qəsəbəsi, Vunqtau küçəsində piyadaları narahat edən vəziyyət müşahidə olunur.

Bu barədə Avtosfer.az-ın “Whatsapp” ünvanına izləyicilərdən biri tərəfindən videomaterial göndərilib. Kadrlardan görünür ki, “Halal Dürüm” iaşə obyektinə məxsus çənlər piyadalar üçün nəzərdə tutulmuş səkinin bir hissəsini zəbt edib. Nəticədə piyadaların sərbəst hərəkəti məhdudlaşıb.

Bundan əlavə, obyektə gələn bəzi müştərilər avtomobillərini avtobus zolağında park edərək ictimai nəqliyyatın hərəkətinə mane olurlar.

İzləyicinin sözlərinə görə, ərazidə demək olar ki, hər gün eyni mənzərə yaşanır. Bu isə həm piyadaların, həm də sürücülərin narazılığına səbəb olur.

Nərmin