Elektroskuteri harada sürmək olmaz? - Açıqlama

Dənizkənarı parkda və digər açıq məkanlarda elektroskuter sürənlərin yaratdığı diskomforta tez-tez rast gəlmək mümkündür.

Parklarda sözügedən nəqliyyat vasitələrindən istifadə həm ondan istifadə edənlər, həm də paytaxt sakinləri üçün ciddi təhlükə yaradır. Parklarda nə zaman elektrokuterlər üçün xüsusi zolaq yaradılacaq?

Məsələ ilə bağlı Bulvar idarəsinin mətbuat xidmətinin verdiyi açıqlamada bildirilib ki, Milli Parkın Köhnə Bulvar ərazisində elektroskuterlərin hərəkəti ilə bağlı qadağan edilən nişan və işarələr qoyulub. 

“Bu qadağa vətəndaşlarımızın xüsusən də uşaq və yaşlı şəxslərin təhlükəsizliyini qorunması üçün tətbiq olunur. Buna baxmayaraq bəzən vətəndaşlar həmin qadağan olunmuş ərazilərdə elektroskuter sürürlər. Bu cür halların qarşısının alınması məqsədilə müvafiq yollarda qaydalara məhəl qoymayan vətəndaşlara İdarənin Mühafizə Xidməti tərəfindən xəbərdarlıq olunur. Milli parkın köhnə bulvar ərazisi insanların daha çox hərəkət etdiyi hissədir. İnsanların kütləviliyini, müxtəlif obyektlərin və yeraltı keçidlərinin olduğunu nəzərə alaraq velosiped və elektroskuterlər üçün xüsusi zolaqların ayrılması  qeyri- mümkündür. Amma Milli Parkın köhnə bulvar, yeni bulvar adlandırılan ərazilərində elektroskuterlərin  hərəkəti üçün yeni işarələr qoyulub. İnsanların kütləvi hərəkət etdiyi yerdə də həmçinin xəbərdarlıq xarakterli işarələr qoyulub”.

Ednews-a