Ermənistanda benzinin qiyməti artacaq - Nazirdən açıqlama

"Rusiyanın 1 apreldən benzin ixracını məhdudlaşdırması bizə təsir etməyəcək. AİB üzvü olaraq, orada kvotalarımız var".

Avtosfer.az xəbər verir ki, bunu Ermənistanın iqtisadiyyat naziri Gevorq Papoyan deyib. 

Onun sözlərinə görə, İrəvan hazırda Rusiyadan az benzin idxal edir: "Son aylarda Rusiya benzininin payı az olub, əsasən Avropa mənşəli, qismən Azərbaycan və İran benzini olub. Lakin, bu kiçik payla belə, bir problem yoxdur.

Ermənistan benzinin qiymətinin ən az artdığı ölkələrdən biridir. Asiya və Avropada qiymətin 2-3 dəfə artdığı ölkələr var. Burada qiymət yenə də faizlə artıb. Amma təəssüf ki, ölkədə benzinin qiymətinin artacağı proqnozumuz var. Çünki neftin qiyməti 2 dəfə artıb və bu, benzinin qiymətinə təsir etməyə bilməz.

Buna görə də biz hazırda ən azı kənd təsərrüfatı, dizel yanacağı üçün subsidiya proqramını nəzərdən keçiririk ki, yaz işləri kəndlilərimiz üçün mümkün qədər asan olsun. Lakin proseslər elədir ki, bütün növ neft məhsullarının qiymətləri artır. Bu, təkcə İran üçün problem deyil, Yaxın Şərqdəki digər əsas istehsalçılar Hörmüz boğazından tədarük etməklə bağlı problemlər yaşayırlar və bu, qiymətlərin artmasına səbəb olub"./unikal