Günəşdə üç güclü partlayış baş verib

Günəşdə iyulun 2-də sondan əvvəlki güc sinfinə (M) aid üç partlayış qeydə alınıb. Avtosfer.az-ın Oxu.az-a istinadən xəbərinə görə, bu barədə Rusiya Tətbiqi Geofizika İnstitutundan məlumat verilib. Məlumata görə, Bakı vaxtı ilə saat 3:09-da 4478 Günəş ləkəsi qrupunda (S08W23) rentgen diapazonunda 16 dəqiqə davam edən M8.5 partlayışı qeydə alınıb. Saat 4:02-də 4478 Günəş ləkəsi qrupunda (S06W17) rentgen diapazonunda 29 dəqiqə davam edən M1.1 partlayışı qeydə alınıb. Saat 5:56-da 4479 Günəş ləkəsi qrupunda (N18W31) rentgen diapazonunda 27 dəqiqə davam edən M4.2 partlayışı qeydə alınıb.

Qeyd edilir ki, iyulun 1-də Günəşdə güclü partlayışlarının sayı 10-a çatıb.