Kəlbəcər polisləri Vətən Müharibəsi şəhidlərinin xatirəsini yad edib - FOTO

Kəlbəcər rayon Polis Şöbəsinin əməkdaşları 8 noyabr- Zəfər Günü münasibətilə Vətən Müharibəsində torpaqlarımızın işğaldan azad edilməsi uğrunda gedən döyüşlərdə şəhid olan Daxil Qoşunlarının hərbi qulluqçuları Seymur Həsənli və Həsən Abdullayevin ailə üzvlərini ziyarət edib. Şöbə rəhbərliyi ilk növbədə şəhidlərimizin məzarlarını ziyarət edib, üzərinə çiçəklər düzüb və ruhuna dualar oxuyub. Daha sonra ailə üzvləri ilə görüşülüb, onların şərəfli ömür yolundan, torpaqlarımızın işğaldan azad edilməsi uğrunda gedən döyüşlərdəki şücaətindən bəhs edilib. Bütün şəhidlərimizin əziz xatirəsinin qəlblərdə əbədi yaşayacağı vurğulanıb. 

Hər iki şəhidin ailəsi onlara göstərilən diqqət və qayğıya görə ölkə və DİN rəhbərliyinə minnətdarlıqlarını bildiriblər.