![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Kəmaləddin Heydərov qazilərə maska taxdırıb qəbul etdi - FOTOLAR
![Kəmaləddin Heydərov qazilərə maska taxdırıb qəbul etdi - FOTOLAR](/upload/news/900260.jpg)
Fövqəladə hallar naziri Kəmaləddin Heydərov bu gün Ağdaş şəhərində, Ağdaş rayon Dövlət Yanğından Mühafizə Hissəsinin inzibati binasında Ağdaş və Göyçay rayonları sakinlərinin qəbulunu keçirib.
Avtosfer.az xəbər verir ki, bu haqda FHN məlumat yayıb.
Bildirilib ki, əvvəlcə, nazir K.Heydərov xalqımızın Ümummilli Lideri Heydər Əliyevin Ağdaş şəhərindəki abidəsini ziyarət edərək önünə gül dəstəsi qoyub, əziz xatirəsini dərin ehtiramla yad edib.
Sonra fövqəladə hallar naziri tərəfindən qəbul edilən Ağdaş və Göyçay rayonları sakinlərinin müraciətlərinin əksəriyyəti yerindəcə öz həllini tapıb, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə Nazirliyin aidiyyəti strukturlarının rəhbərlərinə tapşırıqlar verilib.
Fövqəladə hallar naziri ilə yanaşı, nazir müavinləri, Nazirliyin müvafiq struktur bölmə və qurumlarının rəhbərləri də vətəndaşları qəbul edib.
Qəbula gələn vətəndaşlar onların müraciətlərinə yerində və operativ yanaşılması üçün yaradılan şəraitə görə ölkə Prezidentinə minnətdarlıq ediblər.