Kredit götürmək istəyənlər üçün vacib xəbər

Son illər banklar kredit verilməsi ilə bağlı tələbləri sərtləşdirilib. Nəticədə isə lombard kreditlərinə olan tələbat artıb. Artıq bankdan kredit ala bilməyən vətəndaş lombardlara üz tutur. Mütəxəssislər deyir ki, banklar tərəfindən son illər kreditlərin verilməsi ilə bağlı tələblərin sərtləşməsi lombard kreditlərinə olan tələbatı artırıb. Bu isə faizlərin qalxmasına səbəb olub.
Avtosfer.az xəbər verir ki, mövzu ilə bağlı Yenisabah.az-a danışan iqtisadçı-ekspert Emin Qəribli bildirib ki, hazırda bir çox vətəndaş banklardan kredit götürməyə çəkinir:
“Düşünürəm ki, bu istiqamətdə əhali arasında maarifləndirmə işi aparılmalıdır. İnsanlar bankların kreditlə bağlı şərtlərini görüb çox vaxt geri çəkinirlər. Ümumiyyətlə, insanlar bu gün o fikirdədir ki, əgər kredit verən bankdırsa, deməli, şərtləri ağırdır. Amma lombard onlar üçün daha rahat gəlir. Ona görə də lombarda üstünlük verirlər. Çünki müəyyən prosesdurlar var ki, doğrudan da lombarddan kredit götürmək daha tez və asan olur. Təbii ki, lombardlar da tələb artdığı halda müəyyən şərtlər altında faizləri artıra bilər”.
Ekspert qeyd edib ki, bankların bir çoxunda kredit şərtləri heç də ağır və çətin deyil:
“Ümumi götürsək, fərdi şəxslər kredit üçün daha çox lombardlara, sahibkarlar isə banklara müraciət edir. Lombardlar kreditləri nəyinsə müqabilində verir. Ənənəvi olaraq, şərtlər asan olsa da, faizlər nisbətən yüksək olur. Məsləhət görərdim ki, vətəndaşlar daha çox banklara üstünlük versin. Diqqətlə araşdırsaq görərik ki, bütün bankların kredit şərtləri elə də çətin deyil. Belə nüanslar banklara görə dəyişir”.
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












