Laçın şəhərindən yan keçən yeni yolun vəziyyəti necədir?

Bir neçə gündür Ermənistandan Xankəndiyə nəqliyyat alternativ müvəqqəti marşrutla həyata keçirilir. Ordu.az xəbər verir ki, Ermənistanın “News.am” saytının müxbiri Xankəndiyə çatmamış Rusiyanın bir neçə keçid məntəqəsini keçib.

Qeyd olunur ki, Rusiya sülhməramlıları pasportları və avtomobil baqajlarını yoxlayır. Müvəqqəti yol tamamilə asfaltlanıb. Burada isə tikinti işləri davam edir,

Azərbaycan tərəfi əsas yolun öz ərazisindən keçən hissəsinin tikintisini iyulda başa çatdırıb, avqustun 4-də başlayan Ermənistan hissəsinin tikintisinin gələn ilin yazında başa çatdırılması planlaşdırılır.

Nəşr bildirir ki, Azərbaycanın yeni salınmış eni 11 metrdən, uzunluğu 21 metrdən çox olan yolu Zabuxdakı çayın üzərində tikilmiş körpüyə qədər uzanır. Çayın iki sahilini birləşdirən körpüdə tikinti işləri başa çatdırılıb. Hazırda körpünün son tikinti işləri ilə əlaqədar olaraq Azərbaycan avtomobilləri də yolun həmin hissəsindən keçir.