Metroda sahibsiz çanta - Təşvişlə bağlı qurumdan AÇIQLAMA
Bu gün metroda iki nəfərin “TikTok” sosial şəbəkəsinə video çəkmək məqsədilə vaqonda təşviş yaratması ilə bağlı məlumat yayılıb.
Avtosfer.az xəbər verir ki, hadisənin saat 12:00 radələrində metronun “Nərimanov” stansiyası istiqamətində baş verdiyi bildirilir. Qeyd olunur ki, iki gənc oğlan əllərində olan çantanı yerə atıb qaçıblar.
Nəticədə qatardakı sərnişinlər arasında təşviş yaranıb.
Məsələ ilə əlaqədar Bizim.Media olaraq “Bakı Metropoliteni” QSC-nin mətbuat katibi Bəxtiyar Məmmədovla əlaqə saxladıq:
"Sözügedən vəziyyətlə bağlı hər hansısa gərginlik, təşviş baş verməyib. Yayılan məlumatlar bir az şişirdilib. Vaqonda olan sərnişinlərdən biri orada sahibsiz zənn etdiyi çanta barəsində rabitə vasitəsilə maşinistə məlumat verib və problem aradan qaldırılıb".