Nazir nəqliyyat və logistika şirkətlərinin nümayəndələri ilə görüşdü - FOTO

Bu gün rəqəmsal inkişaf və nəqliyyat naziri Rəşad Nəbiyev avtomobil nəqliyyatı və logistika şirkətlərinin nümayəndələri ilə görüş keçirib. Görüşdə nazir müavini Rəhman Hümmətov, Dövlət Avtomobil Nəqliyyatı Xidmətinin rəisi Anar Rzayev və nazirliyin digər rəhbər şəxsləri də iştirak edib. Bu barədə məlumatı nazir özü feysbook hesabında paylaşıb. Rəşad Nəbiyev bildirib ki, görüş zamanı ölkəmizdə avtomobil nəqliyyatı ilə yük və sərnişin daşınması sahəsində son bir ildə əldə edilmiş nailiyyətləri müzakirə edilib: “Eyni zamanda mövcud problemlər və perspektivlər haqqında söhbət apardıq, iştirakçıların təkliflərini dinlədik.

Yalnız həqiqi hökumət-biznes tərəfdaşlığı ilə Azərbaycanı qlobal logistika və nəqliyyat bazarının dəyərli hissəsinə çevirmək mümkündür”.

Elmin