Nəsimidə əvvəlki səkinin üstünə bir mərtəbə də əlavə edilib; sakinlər NARAZIDIR - FOTO

Paytaxtda bəzi qurumların fəliyyətində ortaya çıxan nöqsanlar şəhərin ümumi görünüşünə ziyan vurmaqla yanaşı, həm də vətəndaşların narahatlığına səbəb olur.

Avtosfer.az xəbər verir ki, Bakının Nəsimi rayonunda səkidə aparılan təmir işləri heç də birmənalı qarşılanmayıb. Buna səbəb Süleyman Rəhimov küçəsində uzun müddət yararsız halda olan səkinin sökülüb yenidən düzəldilməsi əvəzinə, daha əvvəl döşənən səki daşları və bordürün üzərinə bir mərtəbə də əlavə edilib. Foto qısa müddətdə sosial şəbəkələrdə müzakirələrə səbəb olub. İstifadəçilər hətta paytaxtın bir çox küçələrində bu vəziyyətlə rastlaşdıqlarını bildiriblər.

Sakinlər ərazidə avtomobil saxlayarkən qapıları açmağın mümkünsüzlüyün, eyni zamanda məsələdən xəbərsiz olanların tez-tez yıxıldığını və xəsarət aldığını bildirir. Vətəndaşlar aidiyyəti qurumların problemə həssas yanaşmalarını və tezliklə həll etmələrini tələb edir.

Səfər