Polisdən əməliyyat: silsilə oğurluq edənlər tutuldu

Xəzər RPİ 3-cü Polis Şöbəsi əməkdaşlarının keçirdikləri əməliyyat tədbiri nəticəsində Binə qəsəbəsi ərazisində 4 evdən ümumilikdə 1150 manat pul, televizor, qızıl üzük və mobil telefon oğurlamaqda şübhəli bilinən qəsəbə sakinləri Nihat Qafari və əvvəllər də oğurluğa görə məhkum olunmuş Ümüd Kərimov müəyyən olunaraq saxlanılıblar. Araşdırma aparılır.
Binəqədi RPİ-nin 4-cü Polis Şöbəsinə M.Ə.Rəsulzadə qəsəbəsindəki evlərin birindən 1000 manat dəyərində qol saatı və içərisində 2000 manat dəyərində qızıl-zinət əşyaları olan seyfin oğurlanması barədə müraciət daxil olub. 
Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Abşeron rayon sakini, əvvəllər də oğurluğa görə məhkum olunmuş Eldəniz Muradov müəyyən olunaraq saxlanılıb. Araşdırma aparılır.