Qar yenidən Quba-Xınalıq yolunda problem yaratdı – FOTO - VİDEO

Bu gün səhər saatlarında qardan təmizlənən Quba-Xınalıq yolunda günün 2-ci yarısı yenidən problem yaşanıb. Avtosfer.az “Bizim.Media”ya istinadən xəbər verir ki, güclü külək yolun 33-38-ci km-də yenidən qarı yolun işlək hissəsinə sovurub. Nəticədə yolun bu hissəsində nəqliyyat vasitələrinin hərəkətində maneə yaranıb. Qısa vaxt ərzində Quba 5 saylı yol istismar idarəsinin işçi qüvvəsi yaranan problemi aradan qaldırıb və yol tam açılıb.