Sumqayıt - Bakı qatarında OLAY – Sərnişinin halı pisləşdi

Bu səhər saat 7:40-da Sumqayıtdan Bakıya doğru hərəkət edən sürət qatarında hadisə baş verib.  

Avtosfer.az xəbər verir ki, sürət qatarı Goradil stansiyasına yaxınlaşarkən sərnişinlərdən birinin halı qəfildən pisləşib.

Qatar heyəti təcili yardım çağırmaq məcburiyyətində qalıb. Pirşağı stansiyasında halı pisləşən xanım sərnişin təcili yardım briqadasına təhvil verilib. Sonra qatar yoluna davam edib.

Nəticədə, qatar mənzil başına bir qədər gec çatıb. 

Şahidlərin dediyinə görə, xanım sərnişinin halının pisləşməsinə səbəb ekonom-klas vaqonlarındakı sıxlıq olub. 
Qeyd edək ki, bu Sumqayıt-Bakı sürət qatarında baş verən ilk hadisə deyil. Bundan əvvəl də bir neçə dəfə qatarda sıxlıq səbəbindən sərnişinlərin halı pisləşib. 
 

Bizim.Media