Tikinti aparılan ərazidəki ağaclar sayılaraq nəzarətə götürülüb

Sumqayıt şəhəri, 20 Yanvar küçəsində ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb.

Ekologiya və Təbii Sərvətlər Nazirliyinin Mətbuat katibi İradə İbrahimova  bildirib ki, sözügedən ünvana keçirilən baxış zamanı ərazidə "Sumpalace" MTK tərəfindən yaşayış binasının qarşısında avtodayanacaq yaradılması üçün işlərin aparıldığı, lakin ağac kəsintisi faktının olmadığı müəyyən edilib. 

"Tikinti ətrafında olan ağaclar sayılaraq qeydiyyata alınıb və qorunub saxlanılması məqsədilə MTK-nın rəhbərliyinə təhvil verilib".

16:55, 3 sentyabr

Sumqayıt şəhərində parkinq yaratmaq üçün yaşıllıqlar məhv edilir.

Bu barədə görüntülər sosial şəbəkədə paylaşılır.

İddia edilir ki, şəhərdə “ASAN xidmət” mərkəzinin yaxınlığında yeni tikilən yaşayış binası üçün parkinq yaradılması məqsədilə səki boyu yaşıllıq hissə sökülür.