“Üstü bəzək, altı təzək” supermarket ərtaf mühiti çirkləndirir - VİDEO

Paytaxt ərazisində yerləşən supermarketlərdən birinin həyətində antisanitar vəziyyətlə bağlı sosial şəbəkədə məlumat yayılıb.

Avtosfer.az xəbər verir ki, söhbət paytaxtın Sabunçu rayonu Zabrat 1 qəsəbəsində yerləşən "Ayxan" marketdən gedir.

Belə ki, işçilər mağazada yığılan tullantıları obyektin arxasına ataraq oranı çirkləndirirlər. Sakinlər yaşayış yerinin zibillənməsinə narazılıq edirlər.

Belə ki, Zabrat 1 yaşayış massivində yerləşən “üstü bəzək, altı təzək” “Ayxan”market ətraf mühitin çirklənməsi mövzusunda rəqiblərini xeyli qabaqlayıb. Obyektin içindən çıxarılan çürük meyvələr, qəbul edilən malların qablaşdırıldığı qutular və paketlər marketin arxasındakı zibilxanaya atılır. Ərazidə yaşayan sakinlər bildirir ki, marketin “öz təşəbbüsü” ilə yaranan zibilxanadakı tullantıların üfunəti ətrafa yayılır. Ortaya çıxan “münbit xəstəlik şəraiti” insanları narahat  edir.

Sosial şəbəkə istifadəçiləri və ərazidə yaşayan sakinlər yaranan vəziyyətin aidiyyəti qurumlar tərəfindən tezliklə aradan qaldırılmasını xahiş edir.

Qeyd edək ki, bu əməli törədən şəxslər İnzibati Xətalar Məcəlləsinin 266.3-cü (Məişət tullantılarının tutumlardan kənar yerlərə atılmasına görə) 50 manat məbləğində cərmələnə bilər.

Hülya