Bu yerlər Azərbaycan hökumətinə qaytarılır

Azərbaycanda qızıl və mis hasil edən “Anglo Asian Mining” şirkəti Qoşa və Ordubad müqavilə sahələri üzrə hasilat hüquqlarının müddətinin uzadılması üçün müraciət etməyəcək. Hər iki müqavilə sahəsi Azərbaycan hökumətinə qaytarılacaq.
Avtosfer.az xəbər verir ki, şirkətdən Globalinfo.az-a bildirilib ki, hasilatın pay bölgüsü sazişinin (HPBS) şərtlərinə əsasən, Qoşa üzrə hasilat hüququnun müddəti başa çatıb, Ordubad üzrə isə müddət yaxın vaxtlarda bitəcək.
Şirkət layihə portfelini və yaxın dövr üçün böyümə imkanlarını nəzərdən keçirdikdən sonra qarşıdakı bir neçə ildə Qoşa və Ordubad sahələrinə əlavə vaxt və resurs ayırmağı strateji baxımdan məqsədəuyğun hesab etməyib. Hər iki sahə şirkətin hazırkı hasilat obyektlərindən uzaqda yerləşir və burada digər müqavilə sahələrindəki kimi hazır infrastruktur yoxdur.
Şirkət rəhbərliyinin və kapital qoyuluşlarının əsas diqqəti Xarkar və Qaradağ mis layihələrinin hasilata başlamasına yönələcək. “Anglo Asian Mining” planlaşdırılan geoloji kəşfiyyat işlərini mövcud hasilat sahələrinin genişləndirilməsinə yönəldəcək. Şirkətin gözləntisinə görə, yeni yataqlar aşkarlandığı halda mövcud infrastrukturdan istifadə mədənlərin və emal müəssisələrinin istismar müddətini uzatmağa imkan verəcək.
Hazırda şirkət HPBS-yə zəruri dəyişiklikləri Azərbaycan hökuməti ilə razılaşdırır. Dəyişikliklər razılaşdırıldıqdan sonra Milli Məclisin təsdiqinə təqdim olunacaq. Şirkət gələcəkdə Qoşa və Ordubad üzrə hasilat hüquqlarını yenidən əldə etmək üçün müraciət edə bilər.
Yoldakı nasazlığa görə avtomobilə dəyən zərər ödənilməlidir? – EKSPERT – VİDEO
Azərbaycanda yol tikintisinə yeni yanaşma lazımdır: Britaniya TƏCRÜBƏSİ
Avtomobili utilizasiyaya verənlərin diqqətinə - Yeni ödəniş forması belə olacaq - AÇIQLAMA
Soyuq havada sürücülər qızdırıcını hansı rejimdə işlətməlidir? – ARAŞDIRMA
Avtomobilin lyukuna yaxın məsafədən su vurularsa, nə baş verər? – XƏBƏRDARLIQ – VİDEO
Avtomobildə telefonu tutacağa yerləşdirib xəritədən istifadə etmək olarmı? – AÇIQLAMA - VİDEO
Bakıda piyadaların üzləşdiyi təhlükə ilə bağlı DİN-dən AÇIQLAMA - VİDEO
Sürücü telefona baxdığı 2 saniyədə avtomobili nə qədər idarə edir? – VİDEO
Yağıntılı havada avtomobilin arxası sürüşərsə nə etmək lazımdır? - AÇIQLAMA
“STOP” nişanına görə cərimələnməmək üçün nə etmək lazımdır? – TÖVSİYƏ - VİDEO
Sürücülərin nəzərinə! - Avtomobil yollarında vəziyyət AÇIQLANDI












