Lənkəranda kişi atasını YANDIRDI

Lənkəranda atasına xəsarət yetirən oğul saxlanılıb.

Avtosfer.az xəbər verir ki, hadisə rayonun kəndlərindən birində qeydə alınıb.

İttiham aktına görə, 42 yaşlı Nəcəf Rəhimov gecə saatlarında yaranmış mübahisə zamanı çaydandakı qaynar suyu atasının üzərinə tökərək, ona yanıq xəsarətləri yetirib.

Bu əməlinə görə o, polis əməkdaşları tərəfindən saxlanılaraq, barəsində cinayət işi açılıb.

Təqsirləndirilən şəxs bildirib ki, gecə saatlarında otaqda uşaqların çarpayısının bölgüsü zamanı arvadı ilə mübahisə edib. Səs-küyə atası yan otaqdan çıxıb Nəcəflə sözləşiblər. Bundan sonra o, məlum əməli törədib. O, atası ilə barışdığını və dəymiş ziyanı ödədiyini bildirib.

Zərərçəkən şəxs də oğlu ilə barışdığını, ona qarşı şikayət və tələbinin olmadığını deyib.

Məhkəmənin qərarı ilə cinayət işinə xitam verilib və N. Rəhimov məsuliyyətdən azad olunub.